29/05/2024

smart punekar news

Latest Breaking News in Marathi | Live Updates

मुळशी धरणातील पाण्यासाठी केंद्र सरकारकडे पाठपुरावा करणार-मोहोळ

मुळशी धरणातील पाण्यासाठी केंद्र सरकारकडे पाठपुरावा करणार-मोहोळ

मुळशी धरणातील पाण्यासाठी केंद्र सरकारकडे पाठपुरावा करणार-मोहोळ

Share Post

पुण्याच्या वाढत्या लोकसंख्येची तहान भागविण्यासाठी स्वतंत्र धरणे बांधणे सध्या अशक्य आहे. त्यामुळे मुळशीतून पुण्यासाठी ५ टीएमसी पाणी मिळावे यासाठी केंद्र शासनाकडे पाठपुरावा करणार असल्याचे आश्वासन पुणे लोकसभा मतदारसंघातील भारतीय जनता पार्टी महायुतीचे उमेदवार मुरलीधर मोहोळ यांनी दिले.मुळशी धरणातील पाण्यासाठी केंद्र सरकारकडे पाठपुरावा करणार-मोहोळ

वडगावशेरी विधानसभा मतदारसंघात मुरलीधर मोहोळ यांच्या प्रचार फेरीचे आयोजन करण्यात आले होते. आमदार सुनील टिंगरे, माजी आमदार जगदीश मुळीक, बापूसाहेब पठारे, माजी नगरसेवक योगेश मुळीक, डॉ. सिद्धार्थ धेंडे यांची प्रमुख उपस्थिती होती.

मुरलीधर मोहोळ म्हणाले, ‘मी महापौर असताना 22 सप्टेंबर 2021 रोजी पुणे महापालिकेच्या सर्वसाधारण सभेची मान्यता घेऊन याबाबतचा प्रस्ताव राज्य शासनाकडे पाठविला आहे. हे धरण टाटा कंपनीचे आहे. कंपनीकडून पाणी मिळविण्यासाठी प्रसंगी पंतप्रधान नरेंद्र मोदी आणि केंद्र सरकारकडे पाठपुरावा करू असे सांगितले.’

मुरलीधर मोहोळ पुढे म्हणाले, ‘ समान पाणीपुरवठा योजनेची अंमलबजावणी करण्याचा दिलेला शब्द आम्ही पाळला आहे. या योजनेतील 82 पैकी 51% काम पूर्ण झाले असून, 20% वापर वापर सुरू झाला आहे. बाराशेपैकी 921 किलोमीटरच्या जलवाहिन्या टाकण्यात आल्या असून,वितरण वाहिन्यांचे काम 80 टक्के पूर्ण झाले आहे. पन्नास टक्क्यांहून अधिक पाण्याचे मीटर्स बसविण्यात आले आहेत. या सर्व योजनेमुळे पाण्याची गळती कमी होणार असून,पुणेकर जनतेला शुद्ध, पुरेसा आणि २४ तास पाणीपुरवठा होऊ शकेल असा विश्वास वाटतो.’

मुरलीधर मोहोळ पुढे म्हणाले, ‘अहमदनगर रस्ता, येरवडा, लोहगाव, धानोरी, कल्याणीनगर, वडगावशेरी, खराडी, संगमवाडी या परिसरातील पाणीटंचाई दूर करण्याच्या दृष्टीने भामा-आसखेड धरणातून पाणीपुरवठा योजना पूर्ण करण्यात आली. या धरणातून 2.8 टीएमसी पाणी उपलब्ध होत आहे. 2041 च्या लोकसंख्येचा विचार करून या प्रकल्पाची आखणी करण्यात आली आहे.’

मुळशी धरणातील पाण्यासाठी केंद्र सरकारकडे पाठपुरावा करणार-मोहोळ