23/05/2024

smart punekar news

Latest Breaking News in Marathi | Live Updates

‘तुलिका’…एक आगळे-वेगळे कला प्रदर्शन

Share Post

चेतन प्रकाश आणि नितीन हेरेकर यांचे ‘तुलिका’ हे कला प्रदर्शन दि. 17 ते 19 फेब्रुवारी 2023 या कालावधीत दर्पण आर्ट गॅलरी, गोखलेनगर, पुणे येथे असून या प्रदर्शनाचे उद्घाटन 17 फेब्रुवारी रोजी सकाळी 11 वाजता आंतरराष्ट्रीय कलाकार आणि शिल्पकार सचिन खरात यांच्या शुभहस्ते होत आहे. यावेळी खासदार श्रीमती वंदनाताई चव्हाण प्रमुख पाहुण्या म्हणून तर कुशल व्यंगचित्रकार आणि गुंतागुंतीच्या लाकडी कलेतील आंतरराष्ट्रीय कलाकार चारुहास पंडित तसेच पिंपरी-चिंचवडचे माजी महापौर योगेश बहल उपस्थित राहणार आहेत. या कला प्रदर्शनात दोन भिन्न कलाकारांची वेगवेगळी कला, रंगांचे फटकारे यांच्या शैली रसिकांना पाहता येणार आहेत. या दोन्ही कलाकारांच्या कला शैली भिन्न आहेत. या दोन्ही कलाकारांची वेगवेगळी पार्श्वभूमी आहे, परंतू त्यांची आवड समान आहे. प्रदर्शनातील चित्रे जिवंत आणि सुंदर कलाकृती आहेत.चेतन प्रकाश हे एक स्वयंशिक्षित कलाकार आहेत. ज्यांनी 40 वर्षांच्या अंतरानंतर आपली चित्रकलेची आवड पुन्हा सुरू केली. ते बजाज अलियान्झ जनरल इन्शुरन्स कंपनीमध्ये वरिष्ठ अधिकारी पदावरुन निवृत्त झाले आहेत. कॅनव्हासवर अॅक्रेलिक पेंटिंगला प्राधान्य देणारे ते कलाकार आहेत. कलेचा पाठपुरावा करणे हे ध्यानासारखे आहे, जिथे आपण वेळ आणि जागेचे भान गमावून बसतो आणि आपण आपल्या आत्म्याशी एकरूप होतो. त्यांची चित्रे सकारात्मक विचार आणि आशावादाचे प्रकटीकरण करणारी आहेत.नितीन हेरेकर हे जन्मजात आणि उच्चशिक्षित कलाकार आहेत. चित्रकलेची त्यांची आवड त्यांच्या बालपणापासूनच आहे. ते नेहमीच स्केचच्या कामाला प्राधान्य देतात आणि त्यांचे काम अतिशय सफाईदार आहे. पोर्ट्रेटमध्येही ते कुशल आहेत. त्यांनी आपले जीवन कलेसाठी समर्पित करण्याचा निर्णय घेतला परंतु जेंव्हा ते कठीण झाले तेंव्हा त्यांनी कॉर्पोरेट नोकरी करण्याचा निर्णय घेतला, परंतु त्यांच्या आवडीशी तडजोड होत असल्याने तो जास्त काळ चालू राहू शकला नाही. त्यांनी नोकरी सोडली आणि व्यावसायिक पोर्ट्रेट करायला सुरुवात केली. कलाकार म्हणून त्यांची लोकप्रियता वाढली आणि आता ते पूर्णवेळ चित्रकलेत आहेत. विविध विषयांना अगदी सहजतेने ते हाताळतात आणि त्यांची चित्रे आनंद देणारी असतात.समस्त रसिकांना, वाचकांना विनंती आहे की, आपण या कला प्रदर्शनाला अवश्य भेट द्यावी, कलेचा आस्वाद घ्यावा आणि या कलाकारांना प्रोत्साहन द्यावे.